Nýjustu rannsóknir staðfesta alltaf betur og betur hversu mikilvægt það er að hafa meltingarfærin í lagi og hvaða áhrif þarmaflóran hefur bæði á líkamlega og andlega líðan ásamt því að spila stórt hlutverk í að viðhalda öflugu ónæmiskerfi. Sterkt ónæmiskerfi gerir líkamanum kleyft að takast á við veikindi, flensur og aðrar veirusýkingar að meiri krafti en veikt ónæmiskerfi.

Meltingin er grunnurinn

Við þurfum að geta brotið fæðuna vel niður til að næring­arefnin frásogist en til þess að það gerist þarf þarmaflóran að vera í jafnvægi. Meltingarfærin eru því það fyrsta sem við þurfum að huga að til að geta nærst vel því um leið og upptakan er góð og við skilum frá okkur eðlilegum hægðum kemst betra jafnvægi á og höfum við stigið stórt skref í átt að heilbrigðara lífi. Það má líkja þessu við að við séum að byggja hús og við byrjum á grunn­inum. Því traustari og vel gerðari sem grunnurinn er, þeim mun auðveldara verður að byggja ofan á þannig að allt haldi vel.

Góður og grænn á morgnana

Góður grænan þeytingur (smoothie) er fullur af næringar­efnum og trefjum sem eru bæði nauðsynleg og góð fyrir meltinguna. Vel samsettir þeytingar hafa líka jákvæð áhrif á blóðsykurinn og geta hjálpað í baráttunni við sykur­púkann. Það þarf ekki að vera flókið að skella í góðan drykk og tekur varla meira en 2-3 mínútur.

Grænn og vænn:  

1 lúka blönduð græn blöð, spínat eða grænkál

½-1 banani (má vera frosinn)

1 bolli frosið mangó eða t.d. ananas

1-2 cm engifer

Smá sítrónusafi

1,5 bolli vatn eða t.d. möndlu- eða haframjólk

Ýmislegt má svo nota til að „poppa drykkinn aðeins upp“ en það getur verið smá kanill, turmerik, 1 msk hörfræ eða chiafræ, smá epladjús eða 2 döðlur til að sæta aðeins. Berja­drykkir eru líka einstaklega næringaríkir og um að gera að finna hvað hentar.

Þreyta eftir máltíðir

Ensím eru nauðsynleg í öllum efna­skiptum í líkamanum en í hráu fæði eru ensím sem verða óvirk við eldun. Þegar við borðum eldaðan og unninn mat notar líkamin

n orkuna að finna og flytja ensím til meltingarvegarins, en hver hefur ekki fundið fyrir þreytu eftir stórar máltíðir. Með hækkandi aldri gerist það líka að framleiðsla ensíma í líkamanum minnkar en ensímskortur getur lýst sér í eftirfarandi:

• Brjóstsviði
• Vindverkir
• Uppþemba
• Kviðverkir & ógleði
• Bólur
• Nefrennsli
• Krampar í þörmum
• Ófullnægt hungur
• Exem
• Höfuðverkur
• Skapsveiflur
• Liðverkir
• Húðkláði
• Húðroði
• Svefnleysi

 

Það er alltaf mikilvægt að borða „lifandi fæðu“ eins og grænmeti og ávexti með elduðum mat og fjöl­margir hafa einnig fundið lausn í að taka inn meltingarensím til að auðvelda líkamanum verkið og nýta fæðuna betur. Þetta er einnig grund­vallaratriði í átt að heilbrigðari lífs­stíl. Meltingarensímin frá Enzyme­dica eru tekin inn með mat og hafa losað fólk við ótrúlegustu óþægindi og aukið orku til muna. Aðferð við vinnslu á Enzymedica ensímunum kallast Thera-Blend og er það einkaleyfis­varin aðferð sem gerir þeim kleyft að vinna á mismunandi pH- gildum í líkamanum sem gerir þau mörgum sinnum öflugri en önnur meltingarensím.

 

Öflugasta viðbótin

Fyrir utan bæði D-vítamín og Omega-3 fitusýrur sem er okkur lífsnauðsynlegt, eigum við að taka inn öfluga mjólkursýrugerla. Það er stöðugt álag á meltingunni okkar og atriði eins og streita, lyf, áfengi, sykur og koffein sem valda því að þarmaf­lórann er ekki í nógu góðu jafnvægi. Bio Kult mjólkursýrugerlarnir eru mjög öflugir og til að efla ónæmis­kerfið enn frekar er talið að Bio Kult Candéa haft virkilega góð áhrif. Auk 7 gerlastofna innheldur BIo Kult Candéa hvítlauk sem er bakteríudrepandi og þekktur fyrir að vera öflugur fyrir ónæmiskerfið og GSE (Grapefruit Seed Extract) sem inni­heldur öflug efnasambönd sem talin eru vinna gegn fjölmörgum bakteríutegundum, veirum og sveppum

‘’ Á tímum sem þessum er sterkt ónæmiskerfi lykilatriði. Þættir eins og hreyfing, góður svefn, hollt mataræði og góð melting eru undirstaðan að öflugu ónæmiskerfi.’’