Stjórnendur og stjórn

Brynjúlfur Guðmundsson er framkvæmdastjóri Artasan. Brynjúlfur sinnti áður starfi markaðsstjóra lausasölulyfja hjá Artasan og þar á undan starfaði hann sem markaðsfulltrúi fyrir Evrópu og Asíu hjá ARRI í London og seinna sem ráðgjafi hjá Accenture í London, Englandi. 

Brynjúlfur er með MBA gráðu og BSc í alþjóða markaðsfræði frá Háskólanum í Reykjavík.

Jón Björnsson er forstjóri Veritas. Jón hefur víðtæka reynslu af fyrirtækjarekstri og umbreytingarverkefnum bæði á Íslandi og í Skandinavíu. Jón hefur starfað sem forstjóri Origo, Festi og Krónunnar, Magasin du Nord og Haga. Jón situr í stjórn Boozt AB, Ofar og Dropp.

Fjölvar Darri Rafnsson er stjórnarformaður og hluthafi í Stöllum ehf. og Þyrluþjónustunni ehf. Hann er hluthafi Wedo ehf. og var fjármálastjóri þar 2016-2020. Hann var einn af stofnendum Alva ehf. sem átti Bland, Heimkaup, Skífuna, Hópkaup og stofnaði Netgíró (2010-2016). Einnig stofnaði hann ásamt eiginkonu sinni Vatn og Veitur árið 2010, sem var síðan selt árið 2017. Hann gegndi starfi framkvæmdastjóra Pharma Investment B.V. 2006-2010, hollensks eignarhaldsfélags sem var í eigu Milestone og EBRD, og fjárfesti í lyfjakeðjum í Austur-Evrópu. Þar áður var hann aðstoðarmaður forstjóra hjá Degi Group ehf. og framkvæmdastjóri Office1, 2004-2006. Á árunum 2000-2004 gegndi hann ýmsum stjórnunarstörfum hjá Lyfju hf., þar á meðal sem starfsmanna- og rekstrarstjóri og þar áður starfaði hann hjá Capacent á Íslandi. Hann er með B.A. gráðu í sálfræði frá Háskóla Íslands.

Karen Rúnarsdóttir starfar sem sérfræðingur á sölusviði Bláa Lónsins. Hún hefur yfir 20 ára reynslu af stjórnun, markaðsmálum og rekstri og hefur gegnt leiðandi störfum hjá fyrirtækjum á borð við Lyfju, Skeljungi, Krónunni, Zara á Íslandi og Íslandsbanka. Karen býr yfir víðtækri reynslu af stefnumótun, markaðsmálum, umbreytingarverkefnum og stafrænni þróun. Hún er með B.Sc. gráðu í viðskiptafræði frá Háskóla Íslands.