“Það þarf sterk bein fyrir góða daga”

/ “Það þarf sterk bein fyrir góða daga”

Þetta máltæki á við svo margt í lífi okkar en hér ætlum við að tala aðeins um það hvernig við byggjum upp sterk bein og drögum úr líkum á beinþynningu.

Árlega má rekja 1600–1800 beinbrot á Íslandi til beinþynningar en ætla má að önnur hver kona um fimmtugt og fimmti hver karl á Íslandi, megi eiga von á broti síðar á lífsleiðinni. Beinþynning e. Osteoporosis er sjúkdómur sem ber að taka alvarlega en beinbrot verða þá við lítið álag og vegna áverka sem nægja að öllu jöfnu ekki til að brjóta heilbrigð bein.

Hvað er beinþéttni ?Beinþynning skyring

Beinþéttni segir til um hversu sterk beinin okkar eru. Þegar beinvefurinn, sem er innri hluti beinanna, fer að gisna er talað um að beinþéttni minnki og líkur á beinbrotum vegna álags eða áverka eykst. Fyrstu tvo áratugi ævinnar eru beinin að þéttast og þá, eins og alltaf skiptir næringin öllu máli. Við verðum bæði að fá nægilegt kalk og nægilegt magn af D vítamíni til byggja upp sterk bein. Upp úr 30 ára aldri fer að draga úr beinþéttninni og þá getur skipt máli hversu góð uppbyggingin hefur verið.

Kalk og D vítamín minnka líkur á beinbrotum vegna beinþynningar

Innan Evrópusambandsins hafa tæplega 28 milljónir manns yfir 55 ára aldri verið greindir með beinþynningu og er árlegur kostnaður heilbrigðiskerfisins vegna beinbrota sem hljótast vegna beinþynningar gríðarlegur eða u.þ.b. 26,4 milljarðar evra.

Fjöldi rannsókna gegnum tíðina hafa sýnt fram á að dagleg inntaka á kalki og D vítamíni getur dregið verulega úr líkum á beinbrotum vegna beinþynningar. Nýleg rannsókn leiddi í ljós að líkur á „beinþynningar-beinbrotum“ minnkaði um 15% prósent ef fólk tók inn 1.000 mg af kalki og 15 mcg (600 i.e.) af D vítamíni daglega.  Því væri hægt að koma í veg fyrir u.þ.b. 186.690 áverka sem orsakast af beinþynningu með reglulegri inntöku og myndi það geta sparað heilbrigðiskerfinu (innan ES) hátt í 4 milljarða evra á ári.

Áhættuþættir

Um 60-70% af beinþéttni ræðst af erfðaþáttum. Hversu þétt beinin eru á yngri árum ræður líka miklu um hvenær þau ná brotastigi. Beinþynning hefst oft hjá konum við tíðahvörf en aðrir þættir sem við getum ekki haft áhrif á eru aldur, kyn og kynstofn.

Við getum þó eitthvað gert í málunum því það eru nokkrir þættir sem hægt er að hafa áhrif á:

  • Of grannt holdafar (vannæring)
  • Kalk- og/eða D-vítamínskortur
  • Reykingar
  • Hreyfingarleysi
  • Óhollir lífshættir

Einnig hafa ákveðin lyf, eins og sykursterar áhrif.

Hreyfing styrkir beinin

Beinvernd er mikilvæg alla ævi hvort sem einstaklingur hefur beinþynningu eða ekki. Nægileg kalk- og D-vítamínneysla ásamt reglulegum líkamsæfingum er nauðsynleg til að fyrirbyggja beinþynningu. Hvað varðar hreyfinguna þá eigum við að hreyfa okkur alla daga og það þarf ekki að kosta neitt. Til að styrkja beinin þá eru þungaberandi æfingar bestar en þá er átt við æfingar þar sem við berum okkar eigin líkamsþyngd gegn þyngdaraflinu (göngur og skokk). Einnig er mjög gott að lyfta lóðum.

Fólki gengur misvel að næra sig rétt og stundum, þrátt fyrir góðan vilja, getur verið erfitt að fá öll þau næringarefni sem líkaminn þarfnast. Við fáum kalk úr náttúrulegum afurðum eins og t.d. grænu grænmeti, möndlum, semsamfræjum og hörfræjum en mjólk er sennilega einn þekktasti kalkgjafinn sem við höfum. D-vítamín fáum við ekki úr fæðunni nema í mjög litlu mæli (og þar sem því er viðbætt í mat) og verðum við því að taka það inn á bætiefnaformi alla ævi.

Osteo Advance – fullkomin beinablandaOsteo Advance

Natures Aid hefur nú framleitt blöndu af  vítamínum og steinefnum sem eru nauðsynleg til að viðhalda heilbrigðum beinum og tönnum. Kalk og magnesíum ásamt D- og K2 vítamíni og sinki byggir upp og hjálpar til við að viðhalda heilbrigðum beinum. Þessi beinablanda heitir Osteo Advance og uppfyllir hún öll skilyrði sem þarf til að mæta kröfum okkar um sterk bein.

K-vítamín bindir kalk í beinum

Næringarefnin, bæði vítamín og steinefni vinna saman í líkamanum og bæta þau hvort annað upp við að sinna þeirri vinnu sem þau eiga að gera. 99% af kalkinu í líkamanum er í beinunum og til þess að upptaka kalksins eigi sér stað er D vítamín nauðsynlegt. D vítamín sér um að taka kalkið úr blóðinu og K-vítamín (MenaQ7) sér svo um að kalkið bindist í beinunum.

Beinvernd er mikilvæg alla ævi hvort sem einstaklingur hefur beinþynningu eða ekki. Nægileg kalk- og D-vítamínneysla ásamt reglulegum líkamsæfingum er nauðsynleg til að fyrirbyggja beinþynningu. Osteo Advance er eitthvað sem allir ættu að taka til að stuðla að sterkum beinum sem lengst.  Hentar bæði grænmetisætum og vegan“

Birtist í Fréttablaðinu 7. mars 2017