B12 vítamín – skortur getur verið lífshættulegur

/ B12 vítamín – skortur getur verið lífshættulegur

B12 vítamín er gríðarlega mikilvægt og gegnir það margvíslegu hlutverki í líkama okkar. Það er m.a. nauðsynlegt fyrir skiptingu frumnanna en rauðu blóðkornin eru í hópi þeirra frumna sem skipta sér oftast og því veldur B12-vítamínskortur blóðleysi. B12-vítamín er nauðsynlegt fyrir nýmyndun tauganna og spilar það því stórt hlutverk í að taugakerfinu okkar í lagi sem og heilastarfseminni.

Hvað veldur B12 skorti?

B12 er það vítamín sem flesta skortir á efri árum og oft er það vegna skorts á efninu „ Intrinsic Factor“ sem er mikilvægt prótein, framleitt í maganum og hjálpar til við upptöku. Það þýðir að þó svo að við borðum dýraafurðir eða tökum vítamínpillur, verður engin upptaka á B12 og við lendum í skorti. Óhófleg neysla áfengis, kaffis, kóladrykkja og nikótíns, notkun ýmissa lyfja, m.a. sýrubindandi lyfja og mikil eða langvarandi notkun sýklalyfja er meðal þess sem getur valdið skorti.

Hverjir þurfa B12?

Í raun þurfa allir að fá B12 en grænmetisætur og þeir sem sneyða alfarið frá dýraafurðum (vegan) eru líklegri en aðrir til að þjást af skorti. Hlutverk B12 í að stuðla að heilbrigðri frumuskiptingu sem og úrvinnslu líkamans á fólínsýru gerir það mikilvægt fyrir ófrískar konur og konur með barn á brjósti að taka inn B12. Einnig er fólk með ýmis vandamál í meltingarvegi (eins og nefnt var hér að ofan) og/eða lélegt frásog næringarefna útsettara en aðrir til að lenda skorti.

Mataræðið skiptir miklu máli

Við fáum ekki B12 vítamín úr grænmeti eða jurtum heldur að stærstum hluta úr matvælum sem koma úr dýraríkinu og þá aðallega kjöti, innmat, sjávarafurðum, eggjum, mjólk og osti. Grænmetisfæði (vegan) þar sem sneitt er hjá öllum dýraafurðum er af mörgum talinn afar heilbrigður lífstíll en rannsóknir hafa sýnt að fólk sem fylgir þessháttar mataræði getur lent í skorti á ákveðnum lífsnauðsynlegum vítamínum, steinefnum og fitusýrum. B12 er þar á meðal og er það vel þekkt að grænmetisætur fái reglulega B12 sprautur til að viðhalda heilbrigði sínu.

Bragðgóður munnúði sem tryggir upptöku

Í ljósi þess að B12 skortur tengist oft vandamálum í meltingarvegi er best að taka það í formi munnúða.  Upptaka á B12 gegnum slímhúð í munni er örugg og áhrifarík leið til að tryggja líkamanum nægjanlegt magn af B12 vítamíni eða til að verja okkur fyrir B12 skorti.

B12 Boost munnúðinn frá Better You inniheldur methylcobalamin sem er náttúrulegt form þessa vítamíns. Úðinn er bragðgóður og tryggir að líkaminn fái allt það B12 sem hann þarf á afar auðveldan og einfaldan máta.  Hann inniheldur einnig steinefnið Chromium Chloride (króm) sem nýtist öllum og er sérstaklega hjálplegt fólki með efnaskiptavillu og/eða blóðsykurvandamál og svo er grænt te í blöndunni sem eykur orku.

Einkenni B12 skorts geta verið eftirfarandi:

  • Orkuleysi og slen.
  • Þreyta, ör hjartsláttur, andþyngsli og svimi.
  • Nálardofi í hand- og fótleggjum.
  • Hægðartregða, uppþemba.
  • Þyngdartap.
  • Erfiðleikar með gang.
  • Skapsveiflur
  • Minnisleysi, þunglyndi og vitglöp (Dementia).

B12-Boost frá Better You er áhrifaríkur og náttúrulegur munnúði sem inniheldur hátt hlutfall af B12 vítamíni (methylcobalamin), krómi og grænu tei. Auðveldasta leiðin til að tryggja hámarksupptöku er að úða því í munnholið en þannig kemst vítamínið hratt og örugglega út í blóðrásina hjá öllum.